人越來越大，便越怕向别人說不，生怕會得罪他人，但亦都係因為人越來越大，知道那些正確，那些不能將就，唔得就講唔得，唔好勉強自己，我覺得總好過講Yes, but.
早熟
一齣我睇每一次都不禁流淚的電影，非關男女主角，非關愛情，非關俊男美女的悲慘遭遇，為的，只是一對真誠的、平凡的父母。
一個小巴司機，一個酒樓知客，一所公屋和一個死仔，平凡卻又真實。觸動我的是一場追逐戲 ，兩個老人家想追回兩個走投無路的年青人回家，年青人不顧身世，嚇怕了兩位老人家，就係這個時候，平時嬉皮笑臉的父親，不禁泣不成聲，痛駡兒子，多次自己不斷提醒，還是行回自己舊路，自己當年錯了，害了他女人和他捱足一世，悔不當初，更心痛的是恨鐵不成鋼，更害了另一位年輕女子，餓死老婆瘟臭屋。
其實自己曾經都是一個唔生性嘅死仔，他每一句，都好似當面鬧我一樣，難過，同無地自容。
櫃桶
家裏面有一個櫃桶，因為太重的關係，經過一些日子的洗禮，佢會輕輕的向下墜落，每次關的時候都會碰倒下一層的櫃桶，然後卡在這裏，每一次都會將它輕輕托高，然後放回去，日子久了，好似習慣了這個動作。
不知可解，有一天突然間覺得這件事不可以接受，就將它整個拆出來，然後整條路軌更換，從此之後它就好暢順地開關起來，但這個時候，我就發覺每次關嘅時候感覺上怪怪的，點解今次不需要托高？
人就是這樣，當你習慣不合理的時候，你就不會覺得不合理。我希望給自己記住，不要習慣不合理，覺得不妥就馬上處理，都是對自己的一個交代。
給自己記住
康德：生氣是拿別人的錯誤懲罰自己
寫在武漢肺炎時
宅在家中，正好自己煮食 – 2020/02/16
簡單生活
沒有方程式，沒有固定答案，唔知點先至係簡單嘅生活，可以做嘅嘢係重複重複同重複，不斷嘗試將覺得冇用嘅嘢收起，見佢唔到，一年之後再去同我地方，睇吓仲需唔需要佢，如果唔需要，你就明白咩係簡單。當然，當你發覺要用嘅時候搵佢唔到，又明知自己係有的，你可能會煩躁，會嬲自己點解要做啲咁蠢嘅事。但我覺得呢個係一個一定要經過過程，但隨着身邊物品越少，人越會越輕鬆。因為我再也不需要有很多物件才令我覺得有安全感。